Шведтердің Fria Tider мерзімді басылымы таратқан хабар мен келтірген дерекке қарағанда, жасы егде тартқан шведтердің көбісі туған-туысқандарымен немесе балаларымен араласпайды, бөлек тұрады. Соның кесірінен жалғыз өлетін қарттардың қарасы жылдан жылға артып келеді. Жыл сайын орташа есеппен пәтерлерден 200 қарияның сүйегі табылып жатады. Полиция мен әлеуметтік қызметкерлердің көмегімен. Олардың мүрделері пәтерінде бірнеше ай бойы, кей жағдайда жарты жылға дейін көмусіз жатады. Пәтер есіктері берік әрі тығыз жабылатындықтан мүрделердің иісі сыртқа шықпайды. Бұл жайында Матс Кеми есімді тергеуші айтып берді.