Сағат әл-Жамал асырауға қаржының жоқтығын алға тартқан Рафаһ хайуанаттар бағынан екі арыстанның екі күшігін сатып алды. Ол Алекс және Мона деп аталатын арыстанның күшіктерін Газа секторындағы үйінде өсіріп-жеткізуге бел байлап отыр. Десе де, арыстан күшіктерінің араны күн емес, сағат санап ашылып келеді. Сағат әл-Жамал арыстанның күшіктерін қанша сомаға сатып алғанын айтудан бас тартты. Десе де, 9000 доллар шамасында  қаржы жұмсағанын топшылауға болады. Қазіргі уақытта арыстан күшіктерінің әрбіреуі күніне кем дегенде 500 грам ет жейді. Бұл жасында олар өздерін асыр алған отбасының балаларына қауіп төндірмейді. Арыстан күшіктері 15 айға толғанда азу тістерішығып, төңірегіне қауіп төндіретіні белгілі. Олардың қожайыны кейін арыстандарды қамап ұстайтын торға тапсырыс бермекші. Оның айтуынша, өзінің көмегінсіз арыстандар тіршілік ете алмайды.