Ресей Федерациясында жалақыны кешіктіргені үшін, яғни, жалақы бойынша қарыздар болып қалған кәсіпорындар мен компания басшыларына жауапкершілікті күшейтіп, жазаны қатайту туралы ұсыныс айтылды. РФ Үкімет комиссиясы тарапынан. Бұл бағытта аталған елдің Тергеу комитетіне бұл мәселені егжей-тегжейлі зерделеуді тапсырды. Егер сарапшылар бұл ұсынысқа қолдау білдірсе, аталмыш қылмыс орташадан ауыр қылмыс санатына жатқызылады. Бұл жайында орыстардың "Россия 24" телеарнасы хабар таратты. Осы орайда 2019 жылдың желтоқсан айынан бастап аталған ел аумағында жалақы бойынша қарызды еңбек инспекциясының пәрменімен мәжбүрлеп төлету тәжірибесі қолданыла бастады. Бұрын кешіктірілген жалақы сот арқылы өндіріп алынатын.