Түркияның Каһраманмараш университетінің оқытушылары мен студенттері жұмыртқа қабығынан жоғары сапалы қағаз алудың тәсілін тапты. Осы орайда аталған елде жыл сайын 100 тоннадан аса жұмыртқа қабығы қоқысқа тасталатынын айта кеткен жөн. Түріктердің бұл жаңалығы аса маңызды экологиялық мәселені шешуге көмектеседі: «Бір тонна қағаз алу үшін 17 ағаш оталады. Бір отбасы орташа есеппен алғанда жылына 52 жәшік жұмыртқа қабығын қоқысқа тастайды екен. Бір отбасының ылына қоқысқа тастайтын жұмыртқа қабығы 60-70 жылдық бір ағашты отаудан аман алып қалады. Ал бір ағаш 72 адамды оттегімен қамтамасыз етеді»,- деді аталмыш жобаға атсалысқан, яғни, осынау тәсіл авторларының бірі - профессор Ахмет Тұтыш.