Бразилияның Сан-Паулу қаласында, сенесіз бе, иттерге арналған балабақша бар. Балабақшада иттерге барлық жағдай жасалған.

Сан-Паулудың көптеген тұрғыны өздері үйде жоқта иттерінің зеріккенін қаламайды. Бұл бала бақшада иттердің бабын табатын «тәрбиешілер» жұмыс істейді.

Аталмыш бала бақшада ойын алаңы ғана емес, сонымен бірге, олардың спорт залы да, шомылатын хауызы да бар. Иттің қожайындары айына 235 доллар төлейді. Итіне қарағаны үшін. Бұл бала бақшада шамамен 70 ит бар. Бала бақшаның аумағы 800 шаршы метрден асады. Олардың тамағына да баса мән берілген. Бір уақыт шикі ет беріледі. Бұған қоса, олардың тісін де  тіс щеткасымен жуады. Қожайындары иттерінің қалай уақыт өткізгенін ғаламтордан бақылай алады. Шомылдыратын кезде иттердің қауіпсіздігі үшін оларға жилет кигізеді.