Рана Әбдіхамит есімді америкалық мұсылман әйел батыс елдерінде соңғы жылдары кеңінен етек алған исламофобтардың шариғат шәлісін жамылған әйел көрсе, жұдырығын ала жүгіретін әумесер әрі есерсоқ әрекетіне тойтарыс беруге, яғни, күш қолданып, шабуыл жасаған жағдайда қорғануға үйрететін курс ашты. Мұсылман әйелдеріне арналған. Мұндай ұрыс тәсілдеріне үйрену бүгінгі таңда мұсылман әйелдер үшін қажеттілікке айналып отырғанын жеткізді ол. Сондай-ақ, ол мұндай ұрыс тәсілдерін үйреніп алған әйелдің өз-өзіне деген сенімділігін күшейтінін де алға тартып отыр.