Испанияның су жаңа премьер-министрі Педро Санчес жауапты қызметке кірісер алдында дәстүрге айналған рәсімді бұзып, Інжілге қолын қойып, ант беруден бас тартып қоймай, салтанатты шарада айшықты алып тастауды талап етті. Бұл жайында «Би-Би-Си»ақпарат көзі хабар таратты. Кәрі құрлықтағы аталған елдің социалистер партиясының жетекшісі Педро Санчес Испания тарихындағы тұңғыш атеист премьер-министр. Інжілмен ант етудің орнына ол ар-ожданымен серт берді. Айта кетейік, 46 жастағы Педро Санчес коррпуцияға шатылып, қызметінен кеткен бұрынғы ел премьері Мариано Рахояның орнына келді.