Франция мен Ұлыбритания билігі Ирактағы жиһадшылармен соғысып жатқан күрділерді қару-жарақпен қамтамасыз ететін болды. 

Мұндай келісімге Франция президенті Франсуа Олланд пен Ұлыбритания премьер-министрі Дэвид Кэмерон телефонмен сөйлесу кезінде келген.
Франция президентінің баспасөз қызметі хабарлағандай, тараптар алдағы әрекеттерін екі бағытта жүзеге асыруға келіскен. Оның алғашқысы - бейбіт тұрғындарға қолдау көрсетіп, оларды гуманитарлық көмекпен жарылқау. Екіншісі - лаңкестермен күресіп жатқан күрділердің жауынгерлерін қарумен жарақтандыру деп хабарлайды BBC News.