Ауғанстан билігі апиын көкнәрі себілген аумақтың тым ұлғайып кеткеніне, яғни, бұрын-соңды болмаған рекордтық деңгейге жеткеніне алаңдаушылық білдірді. Тек соңғы жылдың ішінде апиын көкнәрін өсіру мақсатында пайдаланылған аумақ 63%-ға артып кеткен, яғни, 328 мың гектарға жеткен. Бұл сонау 1994 жылы жүргізілген мониторинг кезінен бергі бас айналдырар рекордтық көрсеткіш болып отыр. Халықаралық ұйымның сарапшылары да аиын өндірушілер қызметінің жанданып қана қоймай, аталған еу аумағында солтүстікке қарай қанатын жайып келе жатқанын алға тартып отыр. Қазіргі уақытта Ауғанстанның 24 аймағында көкнәр себіледі екен, тек 10 провинцияда ғана жоқ.