Біріккен Араб Әмірліктерінің билігі діни кемсітушілікке қарсы заң қабылдады. Аталмыш заңға сәйкес діни кемсітушілікке жол бергендер 10 жылға дейін бас бостандығынан айырылады немесе 272 000 доллар айыппұл төлейді. Ең ауыр жаза – өлім жазасы тағайындалуы мүмкін. Тарқатып айтқанда, қасиетті Құранды, құлшылық ететін орындарды, дінді, пайғамбарларды мазақ етіп немесе басқалай жолмен қорлауға жол бергендер, сондай-ақ, адамдарды діни наным-сеніміне қарай кемсіткендер осындай жазаға ұшырайды, Бұған қоса, діни араздық пен алауыздыққа жол бергендер де жазадан тыс қалмайды. Әлеуметтік желілерде, бұқаралық ақпарат құралдарында арандатушы мақсатта жарияланған материалдардың авторлары да заң құрығынан құтылмайды.