Түрлі дәуірде қайтыс болған адамдардың барлығының сүйегі жер қойнына тапсырыла бермеген. Қайтыс болғандардың кейбіреуінің мәйіті ит-құсқа жем болса, енді біреулерінікі мүмияға айналдырылған. Мәселен, Аргентина  президенті Хуан Перонның сүйікті әйелі 1952 жылдың шілде айының 26-ы күні 33 жасында обыр кеселінің салдарынан мына жалған дүниемен қош айтысады. Төмендегі фотосуретте күйеуі сайлауда жеңіске жеткеніне орай Ева Перон халықтың алдына шығып, «Сіздер Перон үшін жан беруге әзір болуларыңыз керек»,- деп үндеу тастайды. Мінбеде сөйлеген кезінде күйеуі оны демеп тұрғанын байқаған шығарсыздар. Бұл – 1952 жылдың маусым айының 4-і күні болатын. 

Еваның емі жоқ сырқаттан көп ұзамай көз жұматыны белгілі болған соң ел билігі ол дүниеден озған соң оның сүйегін бальзамдау туралы шешім қабылдайды әрі бұл шешімді бұқаралық ақпарат құралдары арқылы халыққа жария етеді. 

Оның сүйегін Педро Ара есімді испан дәрігері бальзамдайды.  

Үш жылдан кейін оның мүмияланған сүйегін Перонға қарсы топтың содырлары ұрлап әкетеді. 15 жыл бойы оның мүмиясы туралы ешқандай хабар-ошар болмайды. 

Кейін оның мүмияланған сүйегі күйеуіне қайтарылады. Бірақ, бұл кезде мүмия әбден бүлінген болатын. Күйеуі оны жұртшылықтың назарына ұсынады.