Австралиядағы Facebook әлеуметтік желісінде шариғат талаптарына қарсы жүріп жатқан науқанға байланысты сүт өнімдерін өндіретін Fleurieu компаниясы халал сертификатынан бас тартуға мәжбүр болып отыр. Бұл өз кезегінде Таяу Шығыстағы аса ірі Emirates Airline атты әуе тасымалдаушы компаниямен арадағы келісімшартты бұзуға апарып соқтырды. Үш бірдей фермерлік шаруашылыққа тиесілі аталмыш сүт компаниясы осылайша халалға қарсы науқанның құрбаны болды. Fleurieu компаниясының сату және маркетинг жөніндегі менеджері Ник Хатчинсон мәлімдегендей, халал сертификаттан бас тартқаны үшін компания жылына 50 000 доллар табыстан қағылатын болды.