Әлемдегі ең ұзын адам ең қысқа адаммен кездесті
|
![Әлемдегі ең ұзын адам ең қысқа адаммен кездесті](https://static.islam.kz/uploads/images/Pr8/Fv8/Hs7vK91mNEAZtZjM-lg.jpg)
Әлемдегі ең бойшаң адам – түрік Сұлтан Кесен әлемдегі ең тапал адам – непальдық Чандра Дангимен Британия астанасында Гиннес рекордтар кітабының 60 жылдың мерейтойына орай кездесті. Бұл жайында The Telegraph ақпарат көзі хабар таратты.
Сұлтан Кесеннің бойының ұзындығы – 251 сантиметр, ал Чандра Дангидің бойы – 54,6 сантиметр. Сұлтан Кесен 2009 жылы рекордтар кітабына енген болатын. Оның алдында Қытай азаматы Бао Сишун әлемдегі ең бойшаң адам саналған. Оның бойының ұзындығы – 236 сантиметр болатын. Сонымен қатар, биыл бақиға аттанған украиналық Леонид Стадник те ресми емес дерек бойынша әлемдегі ең бойшаң адам атанған еді. Алайда, ол әйгілі болудан қашып, бойын өлшетуден үзілді-кесілді бас тартқан болатын. Ал Чандра Данги рекордтар кітабына 2012 жылы, 72 жасында енген екен. Сөз арасында айта кету керек, Гиннес рекордтар кітабының тарихы өткен ғасырдың 50-ші жылдардың орта шенінен бастау алады. Жыл сайын оның жаңа нұсқасы жарық көреді. Онда өзгеше адамдар, өзгеше тағдырлар, ерекше жануарлар, айрықша оқиғалар, т.б. тіркеледі.
![Тәліптер барлық есірткі контрабандасының катапултын жойды](https://static.islam.kz/uploads/images/Dd0/Duv/bSoBoEr2t7Gapti6-sq.png)
![Қызылорда облысы алғаш рет Еуропаға қамыс экспорттай бастады](https://static.islam.kz/uploads/images/h2d/nzI/T53iY2X1cgLFNuwd-sq.png)
![Ұлыбритания Еуропада алғашқы болып жасанды етті тұтынуға рұқсат берді](https://static.islam.kz/uploads/images/fKK/LS5/waGJoFxnwiARaiAa-sq.jpg)
![Жаңартылатын энергия үлесі келесі жылы көмірден өндірілетін энергиядан асып түседі](https://static.islam.kz/uploads/images/TAK/r5x/7VWR6LgRDCDEidb4-sq.jpg)
![Араб елінің стартапы көмірқышқыл газын тасқа айналдырады](https://static.islam.kz/uploads/images/PE7/67h/g6xLiGschgQN4f9s-sq.jpg)