Бразилия билігі орман-тоғайды қорғауға немесе сақтауға бағытталған еңбекке тартылған кедей отбасыларына ақы төлеуді қарастыратын әлеуметтік бағдарламаны іске қосты. Бұл жайында islam.kz порталы өз кезегінде Латын Америкасындағы аталған елдің қоршаған ортаны қорғау және климат министрі Мирин Силбаның мәлімдемесіне жөн сілтеген Reuters ақпарат ресурсына сілтеме жасай отырып мәлім етеді.  Планетадағы ең ауқымды орман – Амазонды қорғауға бағытталған бұл бастама негізінде қабылданған Bolsa Verde бағдарламасы аясында 30 мың кедей отбасына ақы төленеді. Аталмыш бағдарламаның қашан басталып, қашан аяқталатыны туралы дерек жоқ. «Бүкіл әлем бойынша орман-тоғайдың 80 пайызы жергілікті қауымдар мен тайпалар тарапынан бақыланады және қорғалады», - деді Мирин Силба. Министрдің айтуынша, болашақта бағдарлама басқа аймақтарға, соның ішінде Атлантикалық орман мен Серрадо саваннасына да қатысты қолданылуы мүмкін. Колумбияның Толима университеті мен АҚШ-тың Орегон университетінің ғалымдары бірлесіп, Амазон орманының ең басты «жауын» анықтады: Колумбия билігі бұрын мәлімдегендей, есірткі алқаптары емес, жергілікті шаруалар (фермерлер) айтарлықтай зиян келтіретін болып шықты. Бұрын кокаин алу үшін коки деп аталатын өсімдік өсіруге алқапты кеңейту үшін есірткі саудагерлері орманды отайтын еді. Алайда, мал шаруашылығы үшін жайылымды ұлғайтуға мүдделі фермерлер есірткі саудагерлерінен асып түскен. Бір ғана 2018 жылы коки өсімдігі үшін оталған  орман аумағы фермерлер отаған орман аумағының алтындан бір бөлігін құраған.

Ұқсас материалдар:

"Амазония орманы толық оталса, салдары қандай болады" (https://islam.kz/kk/news/arturli/amazoniya-ormany-tolyq-otalsa-saldary-qandai-bolady-15608/#gsc.tab=0);

"Бразилиядағы өрттен 1 жыл ішінде 17 млн жануар опат болған" (https://islam.kz/kk/news/arturli/januarlar-alemi/braziliyadagy-ortten-1-jyl-ishinde-17-mln-januar-opat-bolgan-16191/#gsc.tab=0);