Қарт  әкесін көтеріп алып, қажылық парызын орындап жүрген пәкістандық мұсылман жұрттың назарын өзіне аударды, ол ол ма, оның осы сәті бейнеленген фото-суреті әлеуметтік желіге орналастырылыпты. Ердің жасы – елуге келген пәкістандық мұсылман өздігінен жүріп-тұруы мұңға айналған әкесінің арман-тілегін орындап, қажылықты орындауына көмектескен. Бұл жайында  IslamNews порталы OnIslam.net ақпарат көзіне сілтеме жасай отырып хабар таратты. Аталмыш фото-сурет жүктелген әлеуметтік желіде пәкістандық мұсылманның бұл әрекетіне сүйсініп, жылы лебіздерін жаудырғандардың қарасы көп. Пікір білдірушілер оның әкесін де ұмыт қалдырмай, осындай көргенді ұл тәрбиелегенін де айтып жатыр.