Ғұсылдың сүннеттері (12 нәрсе):

• «Бисмилләны» айтумен бастау.

• Ниет ету (іштей ғұсыл алуға ниет ету). Ниет еткен жағдайда ғұсыл алу ісі құлшылық сипатын алып, сауап жазылады.

• Екі қолды билекке (білезікке) дейін жуу.

• Денеде нәжіс болса, оны жуып тазарту.

• Әурет жерді жуу. (Әурет жерінде нәжіс болмаса да жуу сүннет).

• Намазға дәрет алғандай дәрет алу:

  • Дәрет ағзаларын үш реттен жуу.

  • Басқа мәсіх тарту.

  • Ескерту: Егер су жиналып қалатын орында (мысалы, тастайтын тесігі жоқ ыдыста) тұрса, аяқты жууды ғұсылдың соңына қалдырады.

• Бүкіл денеге үш рет су құю (Егер ағын суға немесе соның үкіміндегі мол суға сүңгіп, ішінде біршама сәт бөгелсе, сүннет толық орындалған болып саналады).

• Су құюды бастан бастау. (Пайғамбарымыз (с.а.у.) солай істеген).

• Одан соң, оң иықты жуу (оң жақтан бастаған сүннет).

• Одан кейін сол иықты жуу.

• Одан кейін денесін ысқылау.

• Ғұсыл амалдарын үзбей, араларын суытпай ретімен орындау (муалат)¹.