Қазақстанның түркі тілдес елдермен сауда айналымы 4,9 млрд долларға жетті
Қазақстанның түркі тілдес елдермен сауда айналымы 4,9 млрд долларға жетті
10 жыл бұрын 3847

Қазақстан Республикасының түркі тілдес мемлекеттер ынтымақтастығы кеңесіне мүше елдермен арадағы экономикалық байланысы жылдан жылға артып келеді. Өткен жылы, яғни, 2013 жылы түркі тілдес елдермен арадағы сауда айналымы 4 млрд 930 млн долларды құрады. Бұл жайында ҚР Экономика және бюджетті жоспарлау министрінің орынбасары Тимур Жақсылықов мәлім етті. Нақтырақ айтқанда, ол Түркиямен арадағы сауда айналымының 3 млрд 495 млн долларға, Қырғызстанмен арадағы сауда айналымы 1 млрд 1 млн долларға, ал Әзірбайжанға қатысты бұл көрсеткіш 434 млн долларға жеткенін жеткізді. Сондай-ақ, ол қырғыздардың, түріктердің және әзірбайжандардың Қазақстан экономикасына құйған инвестициясы 2 млрд 650 млн долларды құрайтынын, ал Қазақстанның аталған елдерге 166 млн-нан аса доллар инвестиция құйғанын тілге тиек етті.  

0 пікір
Мұрағат