Мексикадағы ең биік шың болып табылатын Орисаба жанартаудың ұшар басынан осыдан 55 жыл бұрын жоғалған екі альпинистің қаңқаға айналып үлгерген сүйектері табылды. Бұл жайында Examiner ақпарат көзі хабар таратты. Құтқарушылар альпинистердің сүйегін ең ұшар шыңынан төмен қарай 300 метрден тауып алған. Айта кетейік, жанартаудың биіктігі – шамамен 5610 метр. Жарты ғасырдан астам уақыт аралығында альпинистердің денесі мумияға айналған. Чальчикомула-де-Сесма қаласының әкімі Хуан Наварроның айтуынша, үш альпинист 1960 жылы көшкін салдарынан хабар-ошарсыз кеткен болатын. Бұл – солардың сүйектері болуы мүмкін. Десе де, олардың кім екенін ДНК сараптамасы жүргізілгеннен кейін белгілі болады.