Жыл өткен сайын сырт елге саяхаттап баратын қазақстандықтардың саны артып келеді. ҚР сыртқы істер министрлігі отандастарымыз жиі сапарлайтын 9 елдің тізімін ұсынады. Бұл жайында arhar.kz ақпарат көзі хабар таратты. Бауырлас Түркия мемлекетін қазақстандық туристер ең қолайлы әрі тиімді мемлекет деп санаса керек. Алдыңғы үштікте Түркиядан кейін Қытай мен Біріккен Араб Әмірліктері тұр. Германия, Таиланд және Мысыр елдері 4,5,6-орындарға жайғасса, тізімнің соңын Ресей, Қырғызстан және Чехия түйіндеген. Бұған дейін ҚР сыртқы істер министрлігі шетелге шығуды жоспарлап жүрген азаматтарға мінез-құлық нормалары мен кедендік бақылаудан өту ережелерін ұсынған болатын.