Иранда қайырымдылық акциясының соны жобасы пайда болды. Аталмыш елдің әр қаласында «Қайырымдылық қабырғасы» деп аталып кеткен жоба қолы ашық жандардың да, мұқтаж пақырлардың да көңілінен шықты. Мұндай қабырғаға киілген болса да жақсы сақтамлған әрі таза киімдерін қалдырып кете алатын ілгіштер бекітілген. Мұқтаж жандар өзіне шақ әрі өзіне ұнаған киімдерді осы қабырғадан алып кете алады. Айта кетейік, биыл Ирандағы ауа райы кіді мәнез танытып тұр: осы өңірдің климатына жат ерекше суық орнаған. Жылы киімге мұқтаж жандар үшін бұл жоба көп көмегін тигізуде. Мұндай қабырға алдымен Мешхед қаласында пайда болған еді. Көп ұзамай мұқтаж жандарға арналған тоңазытқыш ел көшелерінде пайда болмақ.