АҚШ-тың ішкі қауіпсіздік министрлігінің мемлекеттік биологиялық қорғаудың зерттеуші зертханасының биологиялық қауіп-қатерге қарсы тұру және талдау ұлттық орталығының ғалымдары көз жеткізгендей, табиғи күн сәулесі зат пен бұйымның беткі жағындағы SARS-CoV-2 вирусын тез жояды. Бұл жайында ZME Science ақпарат көзі хабар таратты. Бұл бағытта арнайы тәжірибе жүргізіліп, қағаз ақшаны COVID-19 індеті жұққан сілекеймен сулап, күн сәулесіне тосады. Нәтижесінде жаз мезгіліндегі 40 градус аптап ыстықта, солтүстік ендікте аталмыш вирустың 90%-ы 6,8 минут ішінде жойылған.