Сингапурлық ғалымдар антибиотикке төзімді бактерияларды, соның ішінде биопленканы жоюға қабілетті микробқа қарсы полимер жасады. Бұл жайында Eurekalert ақпарат көзі хабар таратты. Дүниежүзілік денсаулық сақтау ұйымы келтірген дерекке қарағанда, антибиотикті-резистенттік бактериядан жылына кем дегенде 700 мың адам бақилық болады. Сол себепті, сингапурлық ғалымдардың бұл жаңалығы көкейтестілігімен маңызды. Жаңа полимерлік дәрі жасауда пайдаланылған альфа-пепид резистенттік бактерияны емдеуде қолданылып көрген болатын. Алайда, улылығы жоғары болғандықтан барынша тұрақсыздығымен тиімсіз болған еді. Сингапурлық зерттеу және технология одағының ғалымдары әзірлеген ко-бета-пептид микробқа қарсы белсенділігімен, улылық деңгейінің төмендігімен және жоғары тұрақтылығымен  айрықшаланады. Ол адам ағзасында баяу ыдырайтындықтан оның тиімділігі ұзақ уақытқа сақталады.

Ұқсас жаңалықтарды қарай отырыңыз:

«Бактерияның ең төзімді түрлеріне қарсы гибридті антибиотик жасалды» (сілтемесі: http://islam.kz/kk/news/gylym/bakteriyanyn-en-tozimdi-turlerine-qarsy-gibridti-antibiotik-jasaldy-12841/#gsc.tab=0)