Иордания аумағын жайлаған құрғақшылықтан аталған ел сусыз қалайын деп тұр. Яғни, су қоры таусылады. Сарапшылардың дерегіне қарағанда, соңғы бірнеше жыл ішінде Иорданияның су қоймаларының түбі көрінуге айналған. Ел аумағындағы су қоймаларында бар болғаны 20% ғана су қалған. Бұған қоса, Иарүк өзені тартылуға таяу. "Мемлекет бұл мәселені шешуі тиіс, әйтпесе, жағдай ушығып кетеді",- деп дабыл қағып, мәлімдеме жасады су ресурстары министрлігінің арнайы өкілі Әлі Субаһ. Метеоролог мамандарының айтуынша, 2100 жылға дейін Иорданиядағы қазіргі көрсеткішпен салыстырғандажауын-шашын мөлшерінің  үштен бірі азаяды.