Түркиядағы сириялық босқындар қарасының 1050000 адамға жеткенін мәлімдеді осы ел премьерінің орынбасары Башир Аталай. Сондай-ақ, ол қазіргі уақытта түрік билігінің пәрменімен құрылған 22 лагерде 218632 сириялық босқынның тұрып жатқаны турасындағы деректі келтірді. Өзгелері ел аумағындағы елдімекендерге орналастырылған. Азаматтық соғыстан Түркияға бас сауғалаған сириялық босқындарға тегін білім беріліп, медициналық қызмет көрсетіледі.

Біріккен Ұлттар Ұйымының босқындар ісімен айналысатын жоғарғы комиссары басқармасының мәліметі бойынша 2011 жылдың наурыз айыннан осы уақытқа дейін тоғыз миллиондай сириялық өзге елдерге бас сауғалап кеткен.