Естеріңізде болса, кеше Ауғанстан әскерінің Тәжікстанмен арадағы шекара маңында орналасқан, 80 пайызы тәліптердің қоластына өткен Бадахшан провинциясының Ямган ауданын азат еткені жөнінде хабар таратқан едік. Тәліптер де қарап қалмай қарымта қайтарып, ел астанасы – Кабул қаласындағы парламент ғимаратына шабуыл жасады. Терактіні жанкешті жасады, жарылыстың арты атысқа ұласты. Бұл жайында «Reuters» ақпарат ресурсы хабар таратты. Шабуыл жасалған кезде парламент мәжілісі өтіп жатқан болатын. Жарылыстан және атыстан қанша адам қаза тауып, қанша адамның жарақат алғаны турасында ақпарат жоқ.