Өткен жылда, яғни, 2017 жылы Ресей Федерациясы қару-жарақ саудасынан 15 млрд доллардан аса пайда тапқан. Бұл жайында президенттің әскери-техникалық ынтымақтастық мәселелері жөніндегі кеңесшісі Владимир Кожин «Коммерсант»  мерзімді басылымына берген сұхбатында мәлім етті. Оның айтуынша, соңғы жылы Ресейден ешуақытта қару сатып алып көрмеген елдер де ресейлік қару үлгілеріне қызығушылық танытқан. Атап айтқанда, Сауд Арабиясы, Бахрейн және Катар, т.б. Айта кету керек, ресейлік қару-жарақты Азия, Таяу Шығыс, Африка және Латын Америка елдері сатып алады.