Катарда орналасқан «Тәліптер» қозғалысының саяси бюросының жетекшісі Аббас Станакзай бастаған тәліптер делегациясы  қытай билігінің арнайы шақыртуымен Бейжің қаласында ресми сапармен болып, аталған елдің басшыларымен кездесті. Шілде айының 18-і мен 22-і күндері аралығында өткен кездесу барысында екі тарап Ауғанстандағы қалыптасқан ахуалды жан-жақты талқылады. Бұл жайында «Reuters» ақпарат агенттігі хабар таратты. «Біз әлемнің түрлі елдерімен қарым-қатынасымыз жақсы жолға қойылған. Солардың бірі – Қытай»,- деді делегация жетекшісі. Сондай-ақ, ол Қытай билігінің тәліптерге Ауғанстанды шетелдік басқыншылардан азат етуге көмектескенін қалайтынын жеткізді. Айта кетейік, тәліптер қозғалысы әлемнің бірқатар елдерінде тыйым салынған ұйым ретінде белгілі.