Нью-Йоркте өткен халықаралық қатынас жөніндегі кеңесте сөз алған Пәкістанның премьер-министрі Имран Хан: «Пәкістанның ең үлкен қателігі – 2001 ылдың қыркүйек айының 11-і күнгі терактіден соң АҚШ-тың Ауғанстанға жасаған әскери жорығына қатысқаны болды», - деп мәлімдеді. Пәкістан басшысының айтуынша, бұл соғыстың шет-шегі көрінбей кетті. АҚШ-тың Ауғанстан аумағында талай жылға созылған әскери операциясыың нәтижесінден Пәкістан 200 млрд долларға дейін шығын көрген. Бұдан бөлек, Пәкістан тарапы америкалықтармен соғыстан бас сауғалаған ауғандықтардың 2,7 млн босқынын қабылдауына тура келген.