Мысырда әйелдерге арналған автобус пайда болады

Мысыр елінің солтүстігінде орналасқан Даманхур қаласында тек әйелдерге арналған автобус пайда болды. Қазіргі уақытта ақжаулықтылар үшін алты автобус қызмет ететін болса, тағы бір арнайы автобус мүмкіндігі шектеулі нәзікжандыларға арналған.

Айта кетейік, тек әйелдерге арналған автобустар араб елдерінің көбісінде қолданылып келеді. Мысыр елінде әйелдер автобусы енді ғана ашылғанымен, бұған дейін ел астанасы Каир қаласында арнайы метро вагондары мен «қызғылт» таксилер жұмыс істеп келген еді.