Тәжікстан билігі ел аумағындағы қабірлерді реттеу шараларын қолға ала бастады. Sputnik ақпарат көзінің таратқан хабары мен келтірген дерегіне қарағанда, осы мақсатта үкімет қаулысы қабылданған. Қабірді күтіп ұстау және пайдалану жөніндегі мақұлданған ресми құжатқа сәйкес қабірдің ұзындығы екі метрден, ал ені бір жарым метрден аспауы тиіс. Сондай-ақ, биік құлпытас орнатуға тыйым салынған. Оның де мөлшері белгіленген: құлпытас биіктігі бір жарым метрден, ал ені бір метрден аспауы тиіс. Сонымен қатар, құлпытас қалыңдығы 10 сантиметр болуы қажет. Қолданысқа енген аталмыш ереже талаптарының сақталуын Тәжікстан үкіметі жанындағы комитет өкілдері мен жергілікті билік қадағалайды.