Ирақ әскері тұтқындаған «Ирақ-Сирия Ислам мемлекетінің» (ИСИМ) Тиркит әкімі: «Әбу Ханифа өз заманының бидғатшы имамы еді. Сүннилер де, шииттер де тәубе етіп, Әбу Бәкір әл-Бағдадиге (ИСИМ-нің рухани көсемдері) қол тапсырмаса, кәпір болады! Бағдадиге қол тапсырмайынша сүннилеріңе де, шииттеріңе де, христиандарыңа да, манденлеріңе де құтылу жоқ», – деді Әл-Ирақия теле арнасына берген сұхбатында.

Сондай-ақ, ИСИМ-нің Тиркиттегі Мәкшәфия әкімі де: «Біз астанамыз Бағдат болатын бір халифат құруды қалаймыз. Халифатымызда ширкке орын болмайды. Барлық хусаинияларды (ғибадатханалар), мешіттерді, шіркеулерді қырып тастаймыз», – деп мәлімдеген екен.