Иран президенті Хасан Рухани дүйсенбі күні жұмысқа метромен барды. Бұл жайында nur.kz порталы «ҚазАқпаратқа», ал аталмыш ақпарат көзі trend.az сайтына, ол өз кезегінде Иранның "Fars" агенттігіне сілтеме жасай отырып, хабар таратты.

Қаңтардың 19-да Иранда "Таза ауа" күні атап өтіледі, осыған байланысты Хасан Рухани метроны экологиялық таза қоғамдық көлік түрлерінің бірі ретінде қолданған.

Президентпен бірге Экология және қоршаған орта бойынша ұйымның төрайымы Масума Ибтикар еріп жүрді. Сонымен қатар, бұл күні қоғамдық көліктерге Иранның басқа ресми тұлғалары мінді.