АҚШ-тың Мичиган штатына қарасты Дирборн қаласындағы «Кербела» ислам орталығының имамы Хушам әл-Хусайни жуырда осы штатта орын алған Құран өртеу оқиғасынан соң биліктен мұндай басссыздыққа тосқауыл қоятын заң қабылдауды талап етіп, мәлімдеме жасады. «Мейлі ол Құран болсын, Тәурат болсын немесе Інжіл болсын, Құдай сөзіне құрметпен қарауы үшін біз барлық дін өкілдерімен ынтымақтасуды қалаймыз»,- деді ол. Ол діни араздыққа жол бермеу үшін мұндай заң жобасын қабылдаудың оңай емес екенін айта келіп, алыс межеге жетудың алғашқы қадамнан басталатынын жеткізді.