Үндістанның Бихар штатында мектептегі емтиханда көшіргені үшін 300 оқушы тұтқындалды. 750 оқушы оқудан шығарылды. Бұл жайында BBC News ақпарат көзі хабар таратты. Әлеуметтік желілерде емтихан тапсырып жатқан мектеп түлектерінің туыстары мен таныстарының жауап жазылған парақтар мен шпаргалкаларды беру үшін мектеп ғимаратына қалай өрмелегінін көрсететін фотосуреттер пайда болды. Ал Deccan Herald ақпарат көзінің дерегіне қарағанда тәртіп сақшылары оларды бұл әрекетінен тыю үшін бірнеше рет аспанға қарата оқ атқан екен. BBC News ақпарат көзінің хабарлауынша, Үндістанда емтихан – адам тағдырына, оның болашағына елеулі әсер ететін айтулы оқиғалардың бірі саналады. Яғни, болашақта жетістікке қол жеткізудің алғашқы баспалдағы ретінде қарастырады.