Саудия билігі кейінгі кезде тұтас бір елдің "тұлғасын" жайлап бара жатқан семіздік індетімен күресудің тағы бір тәсілін қолға алмақ. The National ақпарат көзінің таратқан хабары мен келтірген дерегіне қарағанда, бұдан былай аталған ел аумағындағы мейрамханалар мен қоғамдық тамақтандыру орындарындағы тағам құнарын көрсету міндеттелді. Тағы бәр мәрте естеріңізге сала кетсек, бұрын да бір хабарлағанымыздай, Саудия, Кувейт, Катар, Бахрейн және Біріккен Араб Әмірліктері Таяу Шығыс аймағындағы ең семіздер елі санатынан саналады. Аталған бес ел тұрғындарының 40 пайызы артық салмақтан және артық салмақтан пайда болатын түрлі дерттерден зардап шегеді. Бір ғана БАӘ-де әрбір үшінші бала артық салмақтан зардап шегеді.