Өткен жылы күллі  әлем бойынша ашқұрсақ өмір сүретіндер қарасы 65 млн адамға көбейіп, жалпы есепте бұл көрсеткіш 58 елде 258 млн-ға жеткен. Бұл жайында islam.kz порталы knife.media ақпарат көзіне сілтеме жасай отырып мәлім етеді. Құрамына Біріккен Ұлттар Ұйымы, Еуопалық одақ, үкіметтік және үкіметтік емес ұйымар кіретін Ғаламдық азық-түлік дағдарысына қарсы желінің баяндамасында келтірілген дерекке қарағанда, ашқұрсақ өмір сүретіндер қарасының күрт артып кетуіне қарулы қақтығыстар мен соғыс, төтенше ауа райы, пандемия салдары себеп болған. Әсіресе, Сомали, Ауғанстан, Конго демократиялық республикасы, Судан және Йеменде ашыққандар саны 38 млн адамға жеткен. Ал ашыққандардың 35 млн-ы – бес жасқа толмаған балалар.