Америкалық Элейн Фидрих (Elaine Fydrych) есімді әйел ажал жастығына бас қояр алдында президенттікке үміткер Хиллари Клинтонға алдағы сайлауда дауыс бермеуді өсиет етіп кетті. Халыққа. Үстіміздегі жылдың тамыз айының 13-і күні бақиға аттанған Нью-Джерси штатына қарасты Камден елді-мекенінің 63 жастағы тұрғынының: «Менің мазарыма гүл әкелгенше, оның орнына Хиллари Клинтонға дауыс бермесеңіздер»,- деген өтінішке келіңкірейтін өсиеті New Jersey On-Line порталында жарық көріпті. Элейн Фидрих (үйленбей тұрғандағы тегі — Шумански (Szumanski) Пенсильвания штатына қарасты Филадельфия ауданындағы Ричмонд айлағында туып-өскен. 37 жыл тұрыс құрған, екі баланың анасы. Айта кетейік, АҚШ-та өтетін президент сайлауы келесі жылдың қыркүйек айының 8-і күніне белгіленіп отыр. АҚШ-тың бұрынғы президенті Билл Клинтонның жары әрі АҚШ-тың бұрынғы мемлекеттік хатшысы Хиллари Клинтон осы сайлауға демократиялық партия атынан түседі.