Биыл, дәлірегі, қараша айының 12-14 күндері аралығында Біріккен Араб Әмірліктерінде әйелдер арасында өтетін Фатима бинт Мүбәрак атындағы қасиетті Құраннан халықаралық жарыстың екінші кезеңіне әлемнің 64 елінен әйелдер бақ сынайды. Бұл жайында Khaleej Times ақпарат көзі хабар таратты. Тағылымды бұл байқау Дубай әміршісі, вице-президент, премьер-министр Мұхаммед бин Рашид әл Мақтұмның қолдауымен өтеді. Ол Дубайда қасиетті Құранның халықаралық сыйлығының 21-ші жиналысының құрылтайшысы. Айтулы шараны ұйымдастырушылар әлемнің 140 еліне шақырту жіберілгенін, алайда, 64 елден ғана нақты келетіндері турасында жауап алғанын жеткізді.