Мешіттің үстіңгі қабатында имамға ұйып тұрған кісі, имамның алдына шығып кеткен болса, намазы бұзыла ма?
Мешіттің үстіңгі қабатында имамға ұйып тұрған кісі, имамның алдына шығып кеткен болса, намазы бұзыла ма?
2 жыл бұрын 2733

Әссәләму алейкум, ұстаз! Имамға ұйыған кезде, Оның алдына шығып кетсе (этажда болып). намазы санала ма екен? Алдын сұрағанда, кейін жауап беремін деп едіңіз..

Уағалейкумуссәләм уә рахматуллаһи уә бәракәтуһ!

Мешіттің үстіңгі қабатында имамға ұйып намаз оқып тұрған кісі, егер имамның алдына шығып кеткен болса, намазы бұзылады. Бұған байланысты Имам Мұхаммедтің «әл-Асл» атты еңбегінде шәкіртінің сауалына қатысты берген мынадай жауабы бар:  

«Бір кісі имамның намазын (яғни, имамға ұйып) мешіттің үстіңгі жағында оқыса, оның намазы санала ма? – деп сұрадым (шәкірті). Ол (Имам Мұхаммед): «Егер имамның артында тұрған болса намазы дұрыс. Ал егер имамның алдына шығып кеткен болса, намазы бұзылады. Оған намазын қайта оқу керек» - деп жауап берді (рахимаһуллаһ)»[1].  

Ендеше, мешіттің үстіңгі қабатында ұйып намаз оқитын кісілер төменгі қабаттағы имамның артында немесе имаммен қатарлас тұрса, намаздары есептеледі, ал бірақ имамның алдына шығып кетсе, намаздары саналмайды.


[1] Имам Мұхаммед: «әл-Асл». 1/204 бет; Имам Кәсәни: «Бәдәиъу санаиъу»; Имам Сарахси: «әл-Мәбсут».

Абдусамат Қасым