Біз сөз етіп отырған доп қуалау ойыны қатерлі болса да Индонезияда кеңінен тараған. Әсіресе, қараңғы түсе бұлайша футбол ойнауды әдетке айналдырған. Бұл кезде олардың көрермендері мен жанкүйерлері де көбейеді. Әлбетте, ойын алдында ойынға қатысатын жастарға қауіпсіздік ережесі пысықталып, түсіндіріледі. Әсіресе, Индонезиядағы медресе шәкірттерінің кеш бата бой жазып, қан тарқатып, сергіп алуына аталған ойын көп көмегін тигізетін көрінеді. Бұл ойын индонезиялық дәстүрлі әскери өнердің бір түрінен саналатын Pencak Silat-пен байланыстырылады. Керосинге малынып, шыланған кокос жанып біткенше ойын аяқталмайды. Отқа орынған кокос шамамен бір сағат ішінде жанып бітеді.