Қазақстан кедейшілікті жою бағытында БҰҰ форумына қатысты. Біріккен Ұлттар Ұйымының Нью-Йорк мегаполисіндегі штаб-пәтерінде тұрақты дамуға арналған саяси форум мәресіне жетті. Қазақстан делегациясы осы форумда белсенділік танытып, әлемдегі кедейшілікті жою мәселесін талқылады. Елбасы Нұрсұлтан Әбішұлы Назарбаевтың «Кедейшілікті жою жөніндегі жол картасын» құру жайындағы бастамасы үлкен қолдауға ие болды. БҰҰ-ның халықаралық зерттеу мәліметтеріне қарағанда, өткен жылы әлем бойынша 5 млн адам жұмыссыз қалған. Азия мен Африканың 1 млн тұрғыны күніне 1 долларды місе тұтады.