Соңғы он жыл ішінде елімізге инвестиция құйған мемлекеттердің арасында Нидерландының аты озып тұр - 73,2 млрд доллар. Бұл жайында ҚР Индустрияландыру министрлігінің инвестиция жөніндегі комитет жетекшісі Лариса Жұмағалиева мәлім етті. Аталған мерзім аралығы бойынша берілген дерекке қарағанда, Қазақстанның негізгі инвесторлары: АҚШ (28,4 млрд доллар), Швейцария (18,2 млрд доллар), Қытай (14,5 млрд доллар), Франция (13,6 млрд доллар), Ұлыбритания (12,3 млрд доллар), Ресей Федерациясы (10,8 млрд доллар), Жапония (5,5 млрд долар) және Белгия (5,4 млрд доллар).