Қазақстан Үкіметі 2017 жылдың 1 қаңтарында «Терроризм актісін болғызбауға немесе жолын кесуге көмектескен ақпарат үшін сыйақы белгілеу және төлеу қағидаларын бекіту туралы» қаулы қабылдаған.

Енді құқыққорғау органдарына республика азаматтары елде орын алуы мүмкін, жоспарланған террористік актілерге қатысты, оны болдырмауға көмектесетін кез келген мәлімет бергені үшін 750-1000 айлық есептік көрсеткіш көлемінде сыйақы төленеді, деп жазады stan.kz порталы kazislam.kz-ке сілтеме жасай отырып.

Осыған қажетті барлық қаражат республикалық бюджетке аударылған. Маңызды ақпарат берген адамға ақшалай қаражат күдікті қылмыскерге үкім шыққан кезде немесе заңдық негізде қылмыстық іс тоқтатылған кезде аударылады.