Ұлыбританиядағы Бирмингем қалалық кеңесі жаңа мешіттің құрылыс жобасын мақұлдады. Бұл жайында islam.kz порталы islam.ru ақпарат көзіне сілтеме жасай отырып мәлім етеді. Ол аталмыш қаланың ажарын ашатын көрікті ғимараттардың бірі болуы тиіс. Мұсылмандардың осынау құлшылық үйінде жиналыс залы, қыздарға арналған мектеп, қоғамдық орталық, дүкен, тіпті, балалар бақшасы болады. Бір мезетте 2500 адам қатар тұрып құлшылық ете алатын ғибадат ғимараты орын тебетін Бирмингем қаласы Ұлыбританиядағы ірілігі жағынан Лондон мегаполисінен кейінгі орында тұр әрі аталған қала тұрғындарының 21,8%-ын мұсылмандар құрап отыр.