Индонезияның Бантен провинциясындағы Сака Буана мешіті бамбуктен тұрғызылған. Бұл жайында islam.kz порталы islam-today.ru ақпарат көзіне сілтеме жасай отырып мәлім етеді. Жергілікті климат ерекшелігіне қарай өсетін бамбуктен тұрғызылған мешіттің атауы әлемдегі ең көне тілдердің бірінен саналатын санскритте «Әлем ұстыны» мағынасын береді. Аумағы 260 шаршы метрді құрайтын мұсылмандардың құлшылық үйінің құрылыс материалдарының 60%-ы бамбуктен тұрады. Қабырғасы, шатыры, интерьері негізінен бамбуктен соғылған. Бұл бамбуктен тұрғызылған ғибадат ғимараты индонезиядағы ең үлкен мешіт саналады.