Михаил Мяснянкин есімді ресейлік онколог дәрігер орыс тілінде хабар тарататын «Бесінші арнаға» берген сұхбатында қатерлі ісіктің пайда болуына түрткі болатын негізгі себепті атады. Оның айтуынша, стрестен көз ашпайтын адамдарда обыр дертіне шалдығу қатері жоғары. Сондай-ақ, ол созылмалы стерстің иммундық жүйені әлсірететінін жеткізді. Егер адам ұдайы стрестік жағдайда жүріп жат әдеттерге үйір болса, аталмыш дертке шалдығу қатерін арттырады. Бұдан бөлек, маман қатерлі ісіктің негізгі белгісі ретінде тырнақ астындағы тері түсінің өзгеруін әрі тырнақтың сынғыш келетінін жатқызды. Дәлірегі, аяқтағы тырнақ асты күрең, қара қошқыл түске енетінін және тырнақта жарықшақ пайда болатынын алға тартты.