Ғалымдар адам ұрығының ДНҚ-сын өзгерту бойынша технологияны сәтті қолданды. Бұл жаңалық болашақта тұқым қуалайтын ауруларды емдеуде үлкен мүмкіндіктерге жол ашады. Бұл жайында islam.kz порталы "WIOnews" мерзімді басылымына сілтеме жасай отырып мәлім етеді.

Дитер Эглид есімді генетик жетекшілік еткен Колумбия университетінің зерттеушілер тобы гендік инженерия саласындағы айтарлықтай жетістікке жеткені туралы хабарлады. Ғалымдар  адам ерте кездегі эмбриондарының ДНҚ-сына жоғары дәлдікпен өзгерістер енгізе алды, ал бұл технология болашақта бала туғанға дейін тұқым қуалайтын патологияларды түзетуге жол ашуы мүмкін.

CRISPR орнына негіздерді өңдеу

Генетикалық материалды айтарлықтай жиі зақымдайтын, тіпті, тұтас хромосомалардың жоғалуына әкелетін CRISPR классикалық технологиясынан айырмашылығы - бұл жолы білікті мамандар «негіздерді редакциялау» әдісін қолданды. Бұл тәсіл генетикалық жіптерді өрескел кесуден аулақ, дәлірегі, ДНҚ-ның жекелеген «әріптерін» түзетуге мүмкіндік береді. Бұл тараптағы тәжірибе барысында ғалымдар екі генге назар аударды: холестерин деңгейіне әсер ететін PCSK9 және феталдық гемоглобин шығаруға жауапты HBG гені. Нәтижесінде зерттеушілер таңдалған гендерді хромосоға залал келтірмей өзгерте алған.

Сарапшылар не дейді? Олар әзірге қуанудың ерте екенін ескертіп отыр. Ғалымдар мұндай технологияның қауіпсіздігін немесе кері әсерін тексеруге біршама уақыт кететінін алға тартып отыр. Технологияның өзі әлі толыққанды жетілмеген: кей жағдайларда «мозаицизм» құбылысы қылаң берген: өзгеріс эмбрионның барлық жасушасында біркелкі болмаған.