Балық пен дәнді дақылдың өзара үйлесімінен солтүстік кореялық шаруалар бұрын-соңды болмаған астық түсіміне қол жеткізген, табысқа кенелген. Бұл жайында islam.kz порталы өз кезегінде Солт. Кореяның еңбекшілер партиясының ресми басылымы Rodong Sinmun ақпарат көзіне жөн сілтегенvokrugsveta.ru сайтына сілтеме жасай отырып мәлім етеді. Бүкіл әлем жасанды ет пен көкөніс пен өзге де қоректік өсімдіктерді тігінен өсіруді ұйғаратын фермаларда аштықтан құтылуға ұмтылып жатқанда Солтүстік Корея ың-жыңсыз аграрлық серпіліс жасады. Корей халық демократиялық республикасынжа қарапайым күріш алқаптарын жайын балық өсіретін алпауыт фермаларға айналдырып, ауқымды және күтпеген жерден табысты бағдарлама жемісін көре бастаған. Бұл тараптағы көрсеткіш барлық жетістіктен асып түсті: жайын балық салмағы бір тонна таза протеин (ақуыз) беріп қана қоймай, сонымен қатар, күріштің рекордтық өнімділігін бір тамшы химикатсыз жинауға көмектесті. Солтүстік Кореяның Rodong Sinmun газеті (Корея Еңбек партиясының ресми баспасөз органы) хабарлағандай, мемлекеттік бағдарламаның мәні - су басқан алқаптарда күріш өсіру мен балық өсіруді бір экожүйеге біріктіру. Елдің бірнеше ірі өңірі мұндай тәсілі екі есе пайда әкелетінін көрсетті. Бұл ауқымды бастама өткен жылдың жаз мезгілінде көтерілген болатын. Сол кезде ел көсемі Ким Чен Ын Корей халық армиясының жабдықтау базаларының біріне келіп, «жасыл» шаруашылықтың жергілікті тәжірибесін жоғары бағалап, оны дереу бүкіл елге таратуды тапсырды. Ауыл шаруашылығы кооперативтері бірінен соң бірі балық аулауда орасан зор табысқа кенелгенін хабарлап жатыр. Мәселен, Уонсан маңындағы Рёнчхон фермасында жаңа тәсіл үшін 5 га жер бөлінді. Маусым айында ол жаққа шабақтарды жіберген шаруалар күздің басында таңғажайып нәтижелерге қол жеткізді: жайынның орташа салмағы 0,8-1,3 келіге жетті. 2,5 га жер телімінің бірінші жартысынан бастап жұмысшылар 57,6 тонна балық аулаған. Бұл жетістікті Тхэтан уезінде де растады, онда 0,2 га кішкентай аумақтан 8,3 тонна балық ауланған. Күріш пен балықты бірге өсіру тәжірибесі мың жылдан бері қолданылып келеді әрі күріш-балық жүйесі ретінде белгілі. Әсіресе, Қытайда кеңінен қолданылады. Бұл елден бөлек, Индонезияда, Жапонияда, Вьетнамда және оңтүстік-шығыс Азия аймағындағы бірқатар елдебар. Балықты суға батқан күріш алқабына жібереді, онда ол жәндіктер мен басқа да ұсақ жануарлармен қоректенеді, ал оның тіршілік ету өнімдері өсімдіктерге қосымша тыңайтқыш қызметін атқарады. Нәтижесінде бір учаскеден бірден екі өнімді молынан алуға болады. Мәселен, қытайдың Цинсян округінде күріш-балық жүйесі 1200 жылға жуық қолданылып келеді және жаһандық маңызы бар ауыл шаруашылығы жүйелерінің бірі болып саналады. Солтүстік корей шаруаларын бұл жүйе бойынша күріштің түсімінің артқаны таңқалдырды. Мысалы, Чоллим ауданындағы Қанғсон фермасында екі гектар жер бірегей жобаға бөлінген, әр масақ орташа алғанда 270 дән әкелді, бұл кәдімгі егіс алқаптарынан 60-70 данаға жоғары. Басқа шаруашылықтардың өкілдері де салмақты өнім туралы есеп берді. Ал Тонгрим уезі мен Чонджу қаласындағы егістіктерде шаруалар отау мен гербицидтерді пайдаланудан мүлдем бас тартқан - балық суды зиянкестер мен арамшөптерден тазартып, топырақты табиғи жолмен тыңайтқан.