Немістердің Sinn Power компаниясы жаңғыртпалы энергия көздерінің үш компонентін қамтыған қалқымалы платформа түріндегі әмбебап теңіз генераторын жұртшылық назарына ұсынды. Жаңғыртпалы энергия көздерінің үш компонентінің бірі – толқыннан энергия өндіретін жүйе. Екіншісі – күн батареясы. Ал үшіншісіне желден энергия өндіретін генератор жатады. Аталмыш платформаның артықшылығы сонда, кез келген ауа райында энергия өндіреді. Мәселен, күн бұлтты болса, желден немесе толқыннан энергия өндіреді.  Неміс инженерлерінің бұл жобасы бойынша толқынның соққысынан платформаның қалқымалы бөлігі 3 метрге дейін жылжи алады – яғни, жүйе 2-ден 6 метрге дейінгі толқыннан энергия жинайды.