Канададағы МакГилл университетінің програмистері ішкен тамағының әрбір калориясын есептейтіндерге арналған мобильдік қосымшаны таныстырды.

Тағамның фотосын түсіргеннен кейін, аталмыш қосымша оның құрамындағы азық-түлікті анықтауға кіріседі. Артынша тамақтағы ингредиенттердің тізімін, олардың мөлшерін, тағамдық құнарлылығын, бұдан бөлек, тағамдағы май, ақуыз, көмірсу, тұз, холестерин мөлшерін, тіпті, кейбір дәруменді де анықтап беретін көрінеді.

Қосымшаның анықтау дәлдігі ­­– 80%. Қосымшаның сипаттамасы arXiv порталында толығырақ сипатталған.

Бұған дейін канадалық инженерлер селфи арқылы қан қысымды өлшеп беретін мобилді қосымшаны ойлап тапқан болатын.